தமிழ் ஹைக்கூ கவிதை வரிகள் # 09

தமிழ் ஹைக்கூ கவிதை வரிகள் # 09

Tamil Haiku Kavithai - Part 09

தமிழ் ஹைக்கூ கவிதை வரிகள் # 09

Tamil Haiku Kavithai - Part 09

Tamil Haiku Kavithai - Part 09

81.விதி:

கடவுளுக்கு மட்டுமே

சொந்தம்

விதவையின் வீட்டில்

பூத்த ரோஜா மலர்...!

82.தட்சணை:

கடவுளைக் காண சென்றவன்

கடவுளாகிப்போனான்

தட்டில் போட்ட தட்சணை !!

83.முத்தம்:

கட்டி தழுவி

முத்தம் வைத்தாள்

மா-என்ற

பசுவின் நெற்றியில்

மலடி...!

84.கடிகாரம்:

  கண்ணாடி கூட்டிற்குள்

ஒரு காதல்

ஜோடி...

கடிகாரம்...!

85.மதக்கலவரம்:

கருவறையில் பத்திரமாய் கடவுள்கள்...

தெருவெங்கும் கல்லறையாய் அப்பாவிகள்...!

86.நகல்:

கள்ள நோட்டில்

அடித்தபோதும்

சிரித்துக்கொண்டே,

காந்தி...!

87.அலங்காரம்:

 கழுத்து நிறைய நகைகள்,அழகான பட்டு புடவை அணிந்தும் வெளியில் செல்ல

முடியவில்லை...

ஜவுளிக்கடை பொம்மை...

88.குடி  மகனின்  ஏக்கம்...!:

காந்தி  ஜெயந்தி.....!

மகிழ்ச்சி  அடையவா....?

வருத்தப்படுவதா.......?

89.புத்தகம்:

காற்றும்

என்னைப் போலத்தான்

படிக்காமல் புரட்டுகிறது,

புத்தகம்...!

90.பொட்டு:

குடிகாரகணவன் வைத்தபொட்டு

இறந்தபின்னும் மறையவில்லை

மனைவியின் நெற்றி வடு !!